BBC: Zlatan United-klar om få dagar
(NPK-NTB-TT): Ifølgje BBC blir Zlatan Ibrahimovic klar for spel i Manchester United i slutten av veka.
Ifølgje den engelske allmennkringkastaren vil svensken skrive under på ein eittårskontrakt.
Overgangen har vore ein offentleg snakkis i lang tid, og kanskje har det drygd så lenge fordi Zlatan offisielt er eigedomen til Paris St. Germain fram til 30. juni. Viss Zlatan skal innkassere ein lojalitetsbonus på rundt 45 millionar, er han nøydd til å halde den kontrakten.
The Telegraph skriv at Zlatan Ibrahimovic og Borussia Dortmunds Henrikh Mkhitaryan blir presenterte som Manchester United-spelarar komande tysdag. (©NPK)