Djokovic tok sin 30. strake Grand Slam-siger
(NPK-NTB-AFP): Novak Djokovic hadde ingen problem med Adrian Mannarino i 2. runde i Wimbledon. Det var den 30. sigeren til verdseinaren i ei Grand Slam-turnering på rad.
Den regjerande Wimbledon-meisteren slo franske Mannarino med 6-4, 6-3, 7– 6 (7-5).
Regn skapte kaos for arrangørane av turneringa onsdag, og kampen mellom Djokovic og Mannarino blei spelt på hovudbanen under tak.
I neste runde ventar enten amerikanske Sam Querrey, ranka som nummer 28 i verda, eller Thomaz Bellucci frå Brasil.
Don Budge har elles rekorden for talet på strake Grand Slam-sigrar. Han vann 37 kampar på rad i 1938. (©NPK)