Kristian Røkke får direktørjobb i Aker
Aker har utnemnt Kjell Inge Røkkes son, Kristian Røkke, som ny investeringsdirektør.
Kristian Røkke sluttar som konserndirektør i oljeservice-investeringsselskapet Akastor, og blir erstatta av Karl Erik Kjelstad frå 1. januar 2018.
Då tek Røkke over jobben som investeringsdirektør i Aker, og han vil forlate Akers styre i samband med overgangen, skriv Aker i ei pressemelding.
Røkke jr. har leidd Akastor sidan sommaren 2016, og 34-åringen har blitt applaudert for snuoperasjonen han gjennomførte på Akers skipsverft i USA, ifølgje E24.
Tidlegare har den yngre Røkke vore konsernsjef ved skipsverftet Aker Philadelphia i USA.
(©NPK)
Kristian Monsen Røkke, ny investeringsdirektør i Aker. Foto: Berit Roald / NTB scanpix