Kvinne frikjent for falsk politimelding mot Julio Kopseng
(NPK-NTB): Ein kvinne som var tiltalt for falsk valdtektsmelding av forvaringsdømte Julio Kopseng, er frikjent i Oslo tingrett.
Kvinna melde Kopseng til politiet for valdtekt i sin eigen heim i 2011. Først blei saka lagt bort av politiet, så blei kvinna tiltalt for falsk politimelding. No er ho frikjent i Oslo tingrett, skriv VG.
I mai blei den tidlegare TV-dansaren Julio Kopseng (38) dømt til lovas strengaste straff, 21 års forvaring, for å ha valdteke 18 kvinner, eitt valdtektsforsøk og for å ha mishandla sin dåverande sambuar på det grovaste. Valdtektene fann stad over ein tolvårsperiode. Kopseng har heile tida nekta skuld etter tiltalen. (©NPK)