Lovforslag som skal stoppa oppsplitting av migrantfamiliar blir behandla i Kongressen
Eit lovforslag som skal stoppa at migrantbarn blir skilde frå foreldra i USA, skal behandlast i Representanthuset torsdag.
Det opplyser fleirtalsleiaren for Republikanarane Paul Ryan.
Praksisen med å ta barna frå migrantar som har teke seg inn i USA ulovleg og plassera barna i eigne interneringsleirar har vekt skarpe reaksjonar både i USA og i utlandet.
President Donald Trump har likevel stått fast på praksisen og hevda at det er den manglande viljen til Demokratene til eit kompromiss i innvandringspolitikken som gjer praksisen nødvendig.
No ser det likevel ut til at partifellane til Trump i Kongressen vil gjera eit forsøk på å endra situasjonen.
- Vi ønskjer ikkje at barna skal takast frå foreldra. Vi kan handheva immigrasjonslovene våre utan å splitta opp familiar. Regjeringa ber Kongressen om å ta affære, og det gjer vi, seier Ryan.
- Torsdag vil Representanthuset stemma over eit lovforslag som skal halda familiane samla, seier han.
(©NPK)
Leiaren for Representantane, Paul Ryan, seier det vil bli fremja eit lovforslag som skal stoppa praksisen med å ta barna frå migrantar som kjem til USA ulovleg. Foto: J. Scott Applewhite / AP / NTB scanpix