Du må være innlogget for å få tilgang til alle nyheter! Logg inn eller opprett brukerkonto.

Annonse
Annonse

fredag 24. februar 2017

Uakseptabelt om Volda vert utan symjehall

Uakseptabelt om Volda vert utan symjehall

John Rotevatn frå VTI Allianseidrettslaget og Tor Mikalsen frå VTI-Symjegruppa seier det vil få fatale konsekvensar om Volda misser symjehallen. – Det er ikkje så lenge til 2020 og tida for eksisterande symjehall er på hell. No må noko gjerast, og det raskt! Foto: Tore Aarflot

- Toget går no seier Sjurgard, men han må syte for at alle vognene er kopla på, seier Tor Mikalsen og John Rotevatn.

Skrevet av:

VTI-Symjegruppa uttrykker stor uro kring framtida for symjebasseng i Volda.

- Dersom det ikkje no vert snakka høgt om trongen for eit symjeanlegg i Volda, ser vi konturane av eit scenario som faktisk kan radere heile symjemiljøet og symjeopplæringa i Volda sentrum, seier Tor Mikalsen på vegne av Symjegruppa i Volda og John Rotevatn på vegne av VTI Allianseidrettslaget.

Må ha renovering

- Det har kome varsel om at det krevst omfattande renovering av symjehallen i nær framtid dersom den framleis skal vere i drift. Symjegruppa stiller spørsmål om det er realistisk at noko faktisk vert gjort med hallen for vidare drift. Slik signala er frå ulike hald, kan sanering av bygget vere neste steg. Det er mange som no undrar seg over at det ikkje er nemnd med eitt ord, denne utfordringa i dei siste utspela i media. For utfordring er det, særskilt for Volda kommune. Om resultatet vert sanering av symjehallen, er det ei stor krise for volda-samfunnet om ein ikkje tek høgde for planlegging og prosjektering av ny symjehall, seier Mikalsen.

Mange involverte gjennom året

- Det er mange som er innom symjinga anten i opplæringsøyemed, som idrott eller som fritidsaktivitet. Symjeskuleansvarleg i symjegruppa, Anne-Britt Aambø Hallaråker, seier at det denne sesongen, grovt rekna, vil vere nærare 500 deltakarar på ulike kurs i regi av klubben. Dette i tillegg til gruppa med aktive symjarar, som etter kvart har vakse seg såpass stor, at vi tidvis slit med nok bassengplass, viser Rotevatn til.

Viktige symjekurs

Symjekursa vart i si tid starta opp for å finansiere den daglege drifta av klubben, i tillegg til rekruttering av nye symjarar.

- Symjekursa fylgjer retningslinjer utarbeidd av Norges Svømmeforbund og er tufta på grundig og korrekt opplæring i dei grunnleggjande teknikkane for å verte trygge i vatn. I tillegg har vi også hatt utøvarar som har hevda seg lokalt, regionalt og på nasjonalt nivå. For dei som hugsa klubben tilbake til 70- talet, så var jo det ei glanstid for symjesporten i Volda. Vi ser i dag ei auke i talet aktive medlemmar og barn som trenar jamt og som gjer det bra, seier Mikalsen.

Lovpålagd opplæring

- Siste åra har det kome nye krav til symjeopplæring gjennom opplæringslova. For å sikre at krava vert nådd, bør ein starte tidleg, ha tilstrekkeleg og kvalifisert opplæring. Slik bassengsituasjonen kan sjå ut til å bli, vil dette nærast bli uråd, poengterer dei to representantane frå idretten.

Disponering av areal

- Det ser ut til at Høgskulen og Volda kommune har funne ein god tone. Dette er dei to største aktørane i sentrum av kommunen, for å vere pådrivar for god utvikling og tilretteleggarar for allment gode løysingar, og er såleis både naturleg og bra. Høgskulen har uttrykt vilje til å avsjå areal til hall, i nær tilknyting til Øyra skule. Symjegruppa vonar at også symjehall no er med i desse planane og at det blir sett fokus på kva som skjer den dagen leigeavtalen mellom Høgskulen og Statsbygg entuelt vert sagt opp i 2020, seier Mikalsen.

Symjegruppa vonar at planlegginga som no er i gong, tek høgde for tilstrekkeleg areal til å stette behova. Med behov, så meiner VTI-Symjegruppa at det er trong for både eit 25 meter basseng og eit med tilstøytande opplæringsbasseng for å drive både opplæring og symjing som idrett i tillegg til folkehelsefremjande aktivitet.

Krev handling frå dei folkevalde

- Symjegruppa har tidlegare etterlyst kommunalt engasjement. Kravet om renovering av hallen, gjer at det no krevst handling frå dei folkevalde i kommunen. Det faktum at ein no kan stå utan symjebasseng i Volda sentrum om få år, ser reell ut, meiner VTI-Symjegruppa. Det må utgreiast og planleggast bassenganlegg i same byggesteg som resten av idrettshallen som no er under planlegging, og dette arbeidet må startast omgåande, seier Rotevatn og Mikalsen.

Oppmoding

- Symjegruppa med VTI-Allianse idrettslaget i ryggen, oppmodar alle som har interesse for symjeopplæring og idretten i Volda, politikarar og administrasjonen i Volda kommune om å no sikre seg at alle vogner er kopla på, før toget går, seier Rotevatn og Mikalsen.

Siste nytt i Nyhende

Fleire menn enn kvinner

I Volda og Ørsta:

Fleire menn enn kvinner

  • Statistikk

Det er 65 fleire innbyggjarar i Volda kommune no enn i 2016. I Ørsta kommune er det 67 fleire.

Volda skisenter opnar i dag

Volda skisenter opnar i dag

Nysnøen har gjort det mogleg å opne Volda skisenter på Reset i dag, fredag.

Google Maps

Buss med sju passasjerar velta

  • Bussulukke

Politiet melder at ein buss har velta i Sande kommune.

 
Kranglete og vanskelege

Kranglete og vanskelege

Politiet måtte aksjonere mot to unge kvinner torsdag kveld.

Damelaget med 16 sigrar på rad

KFUM Volda:

Damelaget med 16 sigrar på rad

  • Volleyball

Trass i at Fræna stilte med det sterkaste laget på mange år, var det likevel Volda som kunne ta med seg sigeren heim.

Trafikkulukke i Ørsta

Trafikkulukke i Ørsta

  • Politi

Politiet melde torsdag ettermiddag om ei trafikkulukke i Ørsta.

 
Skisenteret ope i Hornindal

Skisenteret ope i Hornindal

  • Hornindal

Hornindal Skisenter meder at dei opnar skitrekket i ettermiddag.

-	Eg er aldri heilt privatperson

Ørstarådmannen om private synspunkt i Osgeilasaka

- Eg er aldri heilt privatperson

  • Osgeila

I august 2016 sende rådmannen i Ørsta to e-postar til personar i administrasjonen, som hadde jobba opp mot Osgeilasaka. Møre har stilt spørsmål om det var rett å bruke rådmannsmailen til å fremje eigeninteresse, og blande det inn i den administrative diskusjonen om Osgeila.

Trine Ramsvik Stette vinnar av miniatyrstemne

Trine Ramsvik Stette vinnar av miniatyrstemne

  • Sport

Volda skyttarlag arrangerte i helga ope stemne i miniatyrskyting. Det var stor deltaking, heile 81 skyttarar fann vegen til skytebana i aulakjellaren på Volda ungdomsskule. Trine Ramsvik Stette frå Engesetdal/Skodje viste god form og drog sigeren i land med 245 poeng.

 
Voldingar gjekk fem mil i Tsjekkia

Voldingar gjekk fem mil i Tsjekkia

  • Skisport

Tretten skiglade voldingar reiste førre fredag til Liberec i Tsjekkia for å gå det fem mil lange skiløpet Jizerská.

Åtvarar mot falske e-postar

Tussa:

Åtvarar mot falske e-postar

  • Svindelforsøk

Tussa har sendt ut åtvaring til alle sine kundar om at det er sendt ut ei stor mengde med falske faktura på e-post.

Volding kan bli Årets Urørt

Volding kan bli Årets Urørt

  • Musikk

Jonas Krøvel (23) frå Volda og bandet Pom poko er ein av fire nominerte band og artistar som kan bli Årets Urørt.

Do NOT follow this link or you will be banned from the site!