Tilnærma draumetrekking for handballherrane
Noreg møter Frankrike, Kviterussland og Austerrike i gruppe B i handball-EM under sluttspelet i Kroatia i januar.
Trekkinga kunne vore langt verre for det norske laget.
Sett bort frå Frankrike, som er tittelforsvarar i VM, var Kviterussland og Austerrike to av laga som kanskje var ønska frå seedingnivå to og fire.
Med Frankrike i gruppa får det norske laget også moglegheita til revansj etter finaletapet i VM. Frankrike vann også Noregs gruppe i EM-kvalifiseringa.
Slik blir gruppespelet i handball-EM:
Gruppe A (i Split):
Kroatia, Island, Serbia og Sverige.
Gruppe B (i Porec):
Noreg, Frankrike, Kviterussland og Austerrike.
Gruppe C (i Zagreb):
Slovenia, Montenegro, Tyskland og Makedonia.
Gruppe D (i Varazdin):
Ungarn, Tsjekkia, Spania og Danmark.
Meisterskapen blir avvikla 12.-28. januar.
(©NPK)
Bjarte Myrhol og det norske laget får moglegheita til revansj etter finaletapet i VM mot Frankrike.
Foto: Vidar Ruud / NTB scanpix