Trump stoppar bistand til grupper som støttar abort
Donald Trump har signert ein presidentordre som forbyr offentleg pengestøtte til utanlandske organisasjonar som støttar abort.
Presidenten innfører dermed på nytt eit forbod som Barack Obama oppheva i 2009. Forbodet gjer det straffbart å yta føderal bistand til internasjonale grupper som utfører abortar eller spreier informasjon om abort.
Den omstridde reguleringa blei i si tid innført av republikanske administrasjonar, men har sidan 1984 blitt oppheva av demokratiske presidentar, seinast av Obama i 2009.
Trump innfører forbodet måndag, dagen etter årsdagen for høgsterettsavgjerda frå 1973 som legaliserte abort i USA.
(©NPK)