Trump: Toppmøtet med Kim Jong-un kan bli utsett
President i USA Donald Trump seier toppmøtet med leiaren i Nord-Korea Kim Jong-un kan finne stad seinare enn planlagt.
Trump tok imot president i Sør-Korea Moon Jae-in i Det kvite hus tysdag, og det planlagte toppmøtet i Singapore 12. juni er eitt av dei viktigaste temaa i samtalene mellom dei to presidentane.
- Eg trur absolutt han meiner alvor, sa Trump om Kim idet møtet med Moon skulle starte.
Regimet i Nord-Korea har den siste tida trua med å avlyse møtet med Trump. Ein av årsakene er misnøye med kravet frå USA om nordkoreansk atomnedrustning. Nord-Korea har også reagert sterkt på ei ny felles militærøving for USA og Sør-Korea.
Samtalene mellom Trump og Moon vil truleg få stor betydning for planane for toppmøtet i Singapore.
- Dersom det ikkje finn stad, så kanskje det kan finne stad seinare, sa Trump om det planlagte møtet med Kim.
Moon sa dei er «eitt skritt nærmare» å oppfylle draumen om atomnedrustning av Koreahalvøya.
(©NPK)
Eit toppmøte mellom Donald Trump (t.h.) og president Moon Jae-in i Sør-Korea fann tysdag stad i Det kvite hus i Washington. Foto: AP/NTB scanpix