128 koronasmitta pasientar innlagde på sjukehus – 25 færre enn dagen før

Tysdag var 128 koronasmitta pasientar innlagde på sjukehus i Noreg. Det er ein nedgang på 25 pasientar frå dagen før. Det er det lågaste talet sidan 5. mars.

vaktsjef@ntb.no/kirsten.offerdal@npk.no

Publisert: 04.05.2021 kl 13:02

32 av pasientane får respiratorbehandling. Det er tre færre enn dagen før, ifølgje Helsedirektoratets oversikt tysdag.

112 av koronapasientane er innlagde på sjukehus i regionen Helse sør-aust, elleve er innlagde i Helse vest, og fem er innlagde i Helse Midt-Noreg.

Sidan februar i fjor har 113.952 personar fått påvist koronasmitte her i landet, viser det førebelse talet på tysdag frå det nasjonale meldesystemet for smittsame sjukdommar (MSIS).