17 omkom i kinesisk gruvebrann

(NPK-NTB-DPA): Ein brann i ei kolgruve nordaust i Kina har teke livet av 17 personar, melder det statlege nyheitsbyrået Xinhua.

npk@npk.no

Publisert: 18.12.2015 kl 07:57

13 av gruvearbeidarane døydde i brannen i Xingli-gruva i kystbyen Huludao torsdag kveld. Ti andre vart frakta til sjukehus, der fire døydde av skadane dei fekk i brannen.

Ifølgje Xinhua starta brannen truleg på grunn av sveising.

Gruveulykker er relativt vanleg i Kina, men talet på dødsulykker er på veg ned. I dei ni første månadane i år omkom 420 menneske i gruveulykker, ein nedgang på 39 prosent frå same periode i fjor.