19 flyktningar funne døde utanfor Tunisia
Den tunisiske kystvakta har henta opp 19 menneske som prøvde å ta seg til den italienske øya Lampedusa, opplyser styresmaktene i Tunisia.
Dermed har nesten 200 flyktningar mista livet utanfor den tunisiske kysten sidan nyttår.
Nabolanda Tunisia og Libya er dei vanlegaste utreisestadene i Nord-Afrika for mange tusen migrantar som kvart år risikerer livet for å ta seg til Europa over Middelhavet.
I fjor omkom eller forsvann minst 3.105 menneske då dei prøvde å krysse Middelhavet på veg til Europa, ifølgje Den internasjonale organisasjonen for migrasjon (IOM).
(©NPK)