26 år gammal tysk kvinne sakna på Romsdalseggen

– Vi har starta søk med drone og politimannskap for å leite etter den sakna kvinna, seier politiinspektør Anders Skorpen-Trøen i Møre og Romsdal politidistrikt.

Politiet fekk melding om at den sakna kvinna ikkje returnerte til Oslo som planlagt. Ho skal ha vore på tur frå Oslo til Åndalsnes i Rauma kommune.

Siste sikre observasjon er på Romsdalseggen 19. oktober, opplyser politiet.

– Politiet vil leite på Romsdalseggen med drone i dag. I tillegg vil vi undersøkje om ho kan ha teke seg til hytter i nærleiken av Romsdalseggen, legg Skorpen-Trøen til.

Pårørande er orientert, opplyser politiet.

(©NPK)