3,5 millionar færre fattige i USA

(NPK-NTB-AP): Talet på fattige i USA har det siste året minka med 3,5 millionar menneske, den største nedgangen sidan 1999.

npk@npk.no

Publisert: 13.09.2016 kl 17:26

Fattigdomsdelen var i fjor på 13,5 prosent. Det er ein nedgang på 1,2 prosentpoeng sidan 2014, viser tal frå USAs folketeljingsbyrå.

Ei medverkande årsak til nedgangen var at 2,4 millionar menneske i fjor fann seg ein fast fulltidsjobb.

Samtidig steig i fjor gjennomsnittsinntekta for det typiske amerikanske hushaldet med 5,2 prosent til 56.516 dollar – litt over 450.000 norske kroner. Det er framleis under gjennomsnittsnivået i 2007, da finanskrisa starta. Da var gjennomsnittsinntekta på 57.323 dollar. (©NPK)