8.000 politifolk sparka i Tyrkia

(NPK-NTB): Tyrkiske styresmakter har sagt opp 8.000 politi- og sikkerheitspersonell. Personane er mistenkte for å ha ei kopling til det mislykka kuppforsøket i juli.

npk@npk.no

Publisert: 02.09.2016 kl 07:19

Styresmaktene kjem med opplysningane i ei offisiell melding, skriv Reuters.

Styresmaktene erklærte unntakstilstand etter kuppforsøket den 15. juli og har sidan gjennomført svært omfattande aksjonar mot det som skal vere kuppmakarar.

Utreinskinga i militæret, politiet og justis- og utdanningsvesenet har ført til at over 76.000 personar har mista jobben, medan over 35.000 er arresterte. Samtidig er store delar av den regjeringskritiske pressa stengt. (©NPK)