– Kun små fragment att av havarert postfly

(NPK-NTB): Det er berre små fragment att av postflyet som styrta ved grensa til Noreg, og havaristaden har ein diameter på rundt 50 meter, ifølge det svenske sjøfartsverket.

– Det er ein veldig tydeleg nedslagsplass, seier pressetalsmann Daniel Lindblad i Sjöfartsverket, som har ansvar for lokalisering av mindre fly.

Havaristaden ligg i eit krevjande fjellterreng, og førebels har ingen tatt seg inn til området på bakken. Det er enno ikkje sikkert kva som har skjedd med dei to personane som var om bord.

– Det har vore eit kraftig havari ned i bakken, seier Lindblad.

Hovudredningssentralen i Nord-Noreg vil heller ikkje seie noko om status for dei to som var om bord i flyet.

Det skal ikkje ha vore dårleg vêr i området, og flyredningstenesta har ennå ingen teori om kva som var årsak til ulykka. (©NPK)