Tips oss:
Tips
Sentralbord: 70 07 44 22 Mobil: 995 22 999
Kontakt
Ball-leverandør Adidas melder at teknologien viser sanninga om at Cristiano Ronaldo ikkje var på ballen då Portugal tok leiinga mot Uruguay i VM måndag.
Publisert: 29.11.2022 kl 13:08
– Ved å bruke Connected Ball-teknologien som er plassert i Adidas' VM-ball, kan vi bevise at Cristiano Ronaldo definitivt ikkje var nær ballen, skriv utstyrsgiganten i ei fråsegn, ifølgje ESPN.
Ronaldo på si side er krystallklar på at det var han som skåra Portugals 1-0-mål. Ifølgje den britiske journalisten Piers Morgan skal han ha fått ei melding frå superstjerna etter kampen.
– Ronaldo stadfesta for meg at han var nær ballen. Sjølv Bruno (Fernandes) er samd, skreiv Morgan på Twitter.
Målet kom då Bruno Fernandes vende på ein femøring og vippa ballen inn mot Ronaldo. Spissen nådde akkurat ikkje fram til ballen, men forstyrra uruguayanarane likevel nok til at han gjekk i mål.
Etter målet feira både Fernandes og Ronaldo som at det var skåringa til sistnemnde.
– Den omgåande kjensla mi var at Cristiano rørte ballen, sa Fernandes, ifølgje nyheitsbyrået Reuters.
Portugal vann til slutt kampen 2-0 og sikra seg avansement til åttedelsfinalen i fotball-VM.
(©NPK)
Cristiano Ronaldo feira vilt etter at han trudde han hadde scora for Portugal mot Uruguay. Foto: Aijaz Rahi / AP Photo / NTB.