Dei tilsette krev betre arbeidsvilkår og høgare lønn for å takle det auka prisnivået, skriv Bloomberg.

Fagforeiningar i USA, Storbritannia, India, Japan, Australia og Sør-Afrika er blant dei som er med på fellesaksjonen «Make Amazon pay» (Tving Amazon til å betale). Også miljø- og menneskerettsorganisasjonar støttar kampanjen.

– Det er på tide at teknologigiganten omgåande avsluttar den avskyelege og farlege åtferda si og i staden følgjer lova og forhandlar med dei tilsette, som vil forbetre jobbsituasjonen sin, seier generalsekretær Christy Hoffman i fagforeininga UNI Global Union.

Amazon, som er den største netthandelplattforma i verda, har ei lang historie med konfliktar med fagforeiningar og tilsette om arbeidsforhold.

Talsperson David Nieberg erkjenner at Amazon ikkje er prefekt, men seier dei gjer mykje for å betre forholda for sine tilsette og for miljøet.

(©NPK)

Black Friday er ein av dei største handledagane i året – også på nett – men for Amazon er det også dagen då tilsette i ei rekkje land har varsla streik for betre lønn og arbeidsvilkår. Illustrasjonsfoto: Richard Drew / AP / NTB