Amerikansk jagarfly styrta i England

(NPK-NTB-Reuters): Piloten mista livet da eit amerikansk jagarfly styrta i England onsdag. Flyet skal ha vore på oppdrag i Midtausten og skulle tilbake til USA.

npk@npk.no

Publisert: 21.10.2015 kl 13:10

Sist oppdatert: 21.10.2015 kl 18:02

F18-maskina styrta like etter at ho hadde tatt av frå militærbasen Lakenheath i Suffolk aust i England onsdag formiddag.

Ifølgje politiet var det berre éin person om bord da ulykka skjedde.

Det amerikanske flyvåpenet opplyser at jagarflyet var med i ei gruppe på seks jagarar som var på veg frå Bahrain til ein base i Miramar i California i USA.

The Telegraph skriv at flyet skulle tilbake til USA etter å ha vore på kampoppdrag i Midtausten.