– EgyptAir-flyet fall 22.000 fot

(NPK-NTB-AFP-AP): EgyptAir-flyet fall 22.000 fot og svinga brått før det forsvann frå radaren, ifølgje Hellas' forsvarsminister.

Siste kontakt med flyet var ti minutt før det forsvann, då greske flygeleiarar snakka med piloten mens flyet flaug i 37.000 fots høgd. Då vart det ikkje meldt om problem om bord.

Airbus A320-flyet med 66 personar om bord styrta i Middelhavet natt til torsdag. Egyptiske, greske og franske fly leitar etter vrakrestar etter det styrta flyet. (©NPK)