– Siste sjanse til å redde Great Barrier Reef

Klimaendringane som gradvis gjer havvatnet varmare, er det umogleg å stanse på kort sikt. Men mindre lokal forureining kan gi revet ein sjanse til å takle høgare temperaturar.

Å betre vasskvaliteten vil koste ein sum tilsvarande 60 milliardar kroner over ein periode på ti år, anslår forskarane Jon Brodie and Richard Pearson ved James Cook University.

– Dette er siste sjanse, seier Brodie til avisa The Guardian.

Viss ikkje tiltaka blir trappa opp, kan det om fem år vere for seint å redde revet. Mykje av den lokale forureininga stammar frå landbruket, og forskarane føreslår å legge ned sukkerplantasjar langs den australske kysten.

Uvanleg varmt havvatn har det siste året forårsaka store skader på korallrev mange stader i Stillehavet. Halvparten av korallane på den nordlege delen av Great Barrier Reef er truleg døde eller døyande.

Dei høge temperaturane kjem av både gradvis global oppvarming og vêrfenomenet El Niño. (©NPK)