Angola blir Noregs neste oppgåve i handball-VM

Angola blir første motstandar for dei norske handballkvinnene i hovudrunden i VM.

Publisert: 04.12.2023 kl 20:28

Det vart klart då Angola og Island spelte 26–26 i gruppespelet måndag.

Noreg har rada opp den eine storsigeren etter den andre i innleiinga av VM. Mannskapet til Thorir Hergeirsson tek med seg fire poeng inn i hovudrunden.

Første kamp der blir spelt onsdag. Då skal Angola prøve å skape trøbbel for Nora Mørk og lagvenninnene.

Noreg speler sine neste kampar i Trondheim. Frankrike og Slovenia blir dei to andre motstandarane i hovudrunden.

Noreg og Angola møttest rett før VM. Då vart det norsk siger med 32–24.

(©NPK)

Angola blir Noregs neste motstandar. Foto: Beate Oma Dahle / NTB