Arve Solstad er død

Solstad var sjefredaktør i Dagbladet frå 1973 til 1989 og politisk redaktør frå 1990 til 1995. Deretter fortsette han som skrivande medarbeidar i politisk avdeling fram til han gjekk av i 2002.

Solstad skreiv seg inn i pressehistoria på fleire måtar. Han stod i spissen for at Dagbladet frigjorde seg frå å vere eit partiforplikta venstreblad til å bli eit frittståande presseorgan.

Han leidde også overgangen til tabloidformat i 1983, etterfølgt av ein periode med kraftig auke i opplaget.

Solstad blei tildelt Narvesen-prisen for framifrå journalistikk i 1968 og Fritt Ords honnørpris i 2000. Han leidde Norsk Pressehistorisk Forening frå 1993 til 2003 og han var også ein periode leiar av Oslo Redaktørforening.

Solstad blei utnemnd til professor i journalistikk ved Universitetet i Oslo frå 1994. (©NPK)