Austerrikes innanriksminister får ikkje besøkje Hellas

Striden mellom dei to landa toppa seg då Hellas kalla heim sin ambassadør i Wien torsdag. Dette var ein protest mot at Hellas ikkje vart invitert då Austerrike samla ni land til samtalar om flyktningsituasjonen dagen før.

Hellas meiner Austerrike har oppmuntra fleire land på Balkan til å skjerpe grensekontrollen, noko som har ført til at mange flyktningar og migrantar hopar seg opp i Hellas.

Tusenvis av flyktningar er stranda i Hellas etter at Makedonia stengde grensa for afghanarar og skjerpa kravet om identitetspapir for syrarar og irakarar. (©NPK)