Avis: Liverpool-talent vel Spania

Den spansk-serbiske Liverpool-spelaren, Stefan Bajcetic, har informert Det spanske fotballforbundet (RFEF) om at han ønskjer å spele for «La Rioja», melder AS.

Publisert: 28.12.2022 kl 08:28

Bajcetic imponerte stort då han skåra Liverpools tredje mål mot Aston Villa etter berre to minutt på banen, måndag.

18-åringen er son av den tidlegare serbiske proffspelaren Srdjan Bajcetic. Liverpool-talentet voks opp i Spania og har dermed høve til å kunne velje mellom å spele for dei to nasjonane.

Ifølgje AS har ungguten kontakta RFEF og informert at han ønskjer å spele for det spanske landslaget.

Bajcetic har spelt tre kampar for det spanske U18-laget og vart i august kalla opp til U19-troppen til ein treningskamp mot Israel. Liverpool-talentet måtte likevel kaste inn handkle til den kampen på grunn av ein skade.

Etter fotball-VM i Qatar vart RFEF og landslagssjef Luis Enrique samde om å avslutte samarbeidet. Tidlegare U21-trenar Luis de la Fuente har vorte tilsett som ny hovudtrenar, noko som ifølgje avisa skal ha bidrege til Bajcetics val.