Avtalar om 2.400 akuttinnkvarteringsplassar

(NPK-NTB): Utlendingsdirektoratet har inngått rammeavtalar om i alt 2.408 akuttinnkvarteringsplassar som kan takast i bruk dersom det igjen skulle komme mange asylsøkjarar til landet.

npk@npk.no

Publisert: 22.06.2016 kl 13:32

Dette er ikkje overnattingsplassar som skal opprettast no, men plassar som skal inngå i beredskapen dersom det skulle komme ekstraordinært mange asylsøkjarar til Noreg, opplyser Utlendingsdirektoratet (UDI).

Direktoratet ønskte å inngå rammeavtalar for akuttinnkvartering med inntil 20.000 plassar over heile landet for å dekkje eventuelle behov for innkvartering ut over det eksisterande mottak har plass til.

Det kom inn til saman 44 anbod med i alt 6.748 plassar. Ei av årsakene til at det vart inngått så få rammeavtalar i forhold til talet på mottatte anbod, var at mange av tilbydarane ikkje kunne dokumentere at dei hadde bruksløyve.

Så snart som mogleg skal det lysast ut nye anbodskonkurransar med sikte på å auke talet på akuttinnkvarteringsplassar for å sikre ein forsvarleg beredskap. (©NPK)