«Barbie» er no den mest sette filmen på norske kinoar i 2023

På berre 17 dagar har «Barbie» vorte den mest sette filmen på kino i Noreg i år. Den sender dermed «Super Mario Bros» ned til andreplass.

I løpet av helga klatra «Barbie» opp til førsteplass på lista over dei mest sette filmane på norske kinoar i år. 414.524 personar har sett filmen sidan han hadde premiere for 17 dagar sidan.

Med det skyv han «Super Mario Bros» ned frå kinotoppen. Den hadde premiere 5. april og er sett av 412.436 nordmenn.

Også «Oppenheimer» gjer det bra på norske kinoar for tida. Filmen har passert 310.411 selde billettar og er dermed den femte mest sette filmen i år.

– Det er herleg å sjå dei kino-tilstandane som vi opplever for tida. «Alle» skal på kino, og det liker vi svært så godt, seier administrerande direktør Espen Lundberg Pedersen i bransjeorganisasjonen Film & Kino.

(©NPK)

Greta Gerwigs film «Barbie» er no den mest sette filmen på norske kinoar så langt i år. Den passerte nyleg 414.524 selde billettar.