Barry Callebaut: Ingen salmonella-sjokolade har nådd fram til forbrukarane

Sjokoladeprodusenten Barry Callebaut seier at ingen sjokolade med salmonella er hamna på marknaden etter funn på fabrikken i Belgia.

uvakt@ntb.no/bent.tandstad@npk.no

Publisert: 01.07.2022 kl 15:30

– Basert på ei intern undersøking kan Barry Callebaut stadfeste at ingen sjokoladeprodukt påverka av salmonella-positive produksjonsparti i Wieze i Belgia, kom inn i detaljhandelskjeda, seier selskapet i ei fråsegn.

Torsdag vart det meldt om funn av salmonella på den største sjokoladefabrikken i verda i Wieze. Fabrikken blir driven av den belgisk-sveitsiske kakaogiganten og leverer flytande sjokolade til 73 andre selskap som deretter lagar sjokoladeprodukt.

Produksjonen på fabrikken vart stansa etter funne av bakteriane. Barry Callebaut kontakta alle kundane sine og bad dei om å ikkje selje nokon produkt som er laga der etter 25. juni.