BBC-gransking avdekte fryktkultur

(NPK-NTB): Mange i BBC kjende til dei seksuelle overgrepa programleiarane Jimmy Savile og Stuart Hall stod bak, men unnlét å varsle leiinga på grunn av fryktkulturen som rådde.

npk@npk.no

Publisert: 25.02.2016 kl 13:36

Det er konklusjonen i den uavhengige granskinga BBC sette i verk i 2012, som har vore leidd av den tidlegare høgsterettsdommaren Janet Smith.

Granskinga har identifisert heile 72 offer for Jimmy Savile, åtte av dei kvinner som har fortalt at dei vart valdtekne av den populære programleiaren.

Rapporten identifiserer også 21 som var offer for overgrep utført av Stuart Hall og slår fast at enkelte i BBC-leiinga var kjent med skuldingane mot programleiaren. (©NPK)