Bent Høie og Dag Terje Klarp Solvang skil lag

Dei to skriv dette på Facebook tysdag.

– Etter 26 år langs livd landeveg har vi komme til den avgjerda at liva må levast kvar for oss. Vi har lagt eit svært krevjande år bak oss. Men vi har klart å kommunisere ærleg heile tida, skriv dei to.

Dei vektlegg at dei framleis er gode venner og glade i kvarandre.

– No skal vi finne ut av ting kvar for oss – og det blir ei tøff tid. Vi håpar alle kan forstå at dette ikkje er så lett, og viser respekt for det. Ein god klem når vi treffest er det viktigaste, heiter det vidare.

Bent Høie har sidan 1. november i fjor vore statsforvaltar i Rogaland, etter åtte år som helse- og omsorgsminister. Dag Terje Klarp Solvang har vore generalsekretær i Den Norske Turistforening (DNT) sidan 2018 og var tidlegare marknadssjef i Høgre.

(©NPK)

Dag Terje Klarp Solvang og Bent Høie under avslutningsmiddagen for stortingsrepresentantane og medlemmer av regjeringa i fjor haust. Foto: Naina Helen Jåma / NTB