Benzema augnar målrekord i Champions League

Real Madrids Karim Benzema kan ta ein viktig Champions League-rekord om han innfrir i returmøtet mot Manchester City neste veke.

stian.grythaugen@ntb.no/hege.grov@npk.no

Publisert: 27.04.2022 kl 09:29

Den franske spissen har imponert i utslagsrundane i Meisterligaen, med hat trick både mot Paris-St. Germain og Chelsea.

Han er no oppe i til saman ni mål i cupspelet i Champions League, etter at det vart to nettkjenningar i det første semifinaleoppgjeret mot City tysdag. Engelskmennene vann kampen 4-3

Dermed er det berre eitt mål opp til Cristiano Ronaldos rekord på ti mål frå 2016/17-sesongen.

Real Madrid tek imot Manchester City heime i den spanske hovudstaden onsdag 4. mai.

(©NPK)

Karim Benzema scora to mål mot Manchester City i Champions League-semifinalen tysdag. Foto: AP / Dave Thompson / NTB