Bergen får eigen inkluderingsetat

Den nye inkluderingsetaten skal liggje under byrådsavdelinga for sosial, bustad og inkludering, og byrådet har no lagt fram ei sak om etableringa, opplyser byrådet i Bergen.

Føremålet er å samle politikkområdet og fagkompetansen, verkemidla og fullmaktene under éin byråd for å oppnå best mogleg busetjing og inkludering av nye flyktningar som kjem.

– Busetjing og inkludering av nye flyktningar kjem til å vere ei stor oppgåve i tida framover, og vellykka integreringsarbeid er viktig både for flyktningane, nærmiljøa og bysamfunnet, seier sosial-, bustad- og inkluderingsbyråd Erlend Horn. (©NPK)