Berges lagkamerat overfallen etter Forest-tapet – mann arrestert

Sheffield United-kaptein Billy Sharp vart overfallen då Nottingham Forest-fansen storma banen etter kvalifiseringskampen tysdag.

lars.eide@ntb.no/hege.grov@npk.no

Publisert: 18.05.2022 kl 09:46

Nottingham Forest vann på straffesparkkonkurranse, og supporterane feira vilt. Sharp stod ved sidelinja då han vart «sprunge ned» og skalla til av ein supporter.

Sheffield United-manager Paul Heckingbottom sa at Sharp trong nokre sting etter hendinga.

– Ein av spelarane våre har vorte angripne. Han er sjokkert, blør og er sint, sa Heckingbottom.

Politiet i Nottinghamshire opplyste onsdag morgon at ein mann er mistenkt.

– Ein 31 år gammal mann er arrestert og mistenkt for overgrep i samband med denne hendinga. Han blir verande i varetekt og blir avhøyrd, sa Paul Hennessy i Nottingham-politiet til Sky Sports.

Sheffield United rykte i fjor ned etter to sesongar i Premier League. Draumen om ein uvilkårleg retur vart knust på City Ground for Sander Berge og resten av klubben. Nottingham Forest på si side møter Huddersfield 29. mai til kamp om ein Premier League-plass.

(©NPK)

Nottingham Forest-supporterar jublar etter at opprykksfinalen var sikra. Foto: Zac Goodwin / PA via AP / NTB