Besiktas henta Barcelona-spelar

(NPK-NTB-AFP): Adriano Correia går frå Barcelona til Besiktas. 31-åringen kostar tyrkarane 5,7 millionar kroner.

Publisert: 29.07.2016 kl 18:54

Adriano har skrive under på ein treårsavtale med Besiktas. Brasilianaren hadde vore i Barcelona sidan 2010, då han kom frå Sevilla.

– Eg er veldig glad for å komme til Besiktas. Istanbul er ein vakker by. Eg kjem til å finne meg raskt til rette, seier Adriano om overgangen.

Besiktas skal òg vere interessert i å hente tidlegare Barcelona-spiss Samuel Eto'o. Klubben jaktar ein erstattar for Mario Gomez. Tyskaren uttalte nyleg at han kjem til å forlate klubben grunna den ustabile politiske situasjonen i landet. (©NPK)