Biden ryddar opp i Taiwan-kommentarar

Etter kommentarane måndag der han fastslo at USA vil forsvare Taiwan militært, presiserte USAs president Joe Biden tysdag at politikken til landet er uendra.

uvakt@ntb.no/hege.grov@npk.no

Publisert: 24.05.2022 kl 08:19

At landet er såkalla «strategisk tvitydig» rundt Taiwan er framleis på plass, meiner presidenten.

– Nei, politikken vår har ikkje endra seg i det heile. Eg gjorde det klart då eg kom med uttalen min i går, sa Biden tysdag.

Å vere strategisk tvitydig betyr i denne samanhengen at USA ikkje uttrykkjer klart om dei vil forsvare Taiwan militært i tilfelle ein kinesisk invasjon, men heller ikkje avviser at dei vil gjere det.

(©NPK)

USA-president Joe Biden rydda opp i egne kommentarar tysdag. Foto: Yuichi Yamazaki/Pool Photo via AP/NTB