Annonse

Billettkrig før Polen – Noreg

(NPK-NTB): Det rår full handballfeber i Polen om dagen. Svartebørsen er no det einaste håpet for å følgja kampen til vertsnasjonen mot Noreg laurdag.

Det kjem rundt 16.000 tilskodarar til Tauron-hallen laurdag.

Og det blir smekk fullt. Svartebørshaiane har gode dagar i hovudrunden. Billettane går for fleire gonger den offisielle utsalsprisen.

Mange norske studentar har kome til Krakow i håp om å få med seg kampen live.

Skulle polakkane vinna laurdag, er plassen i EM-semifinalen veldig nær. Det same gjeld for Noreg.

Men Polen er ramma av høg sportsfeber om dagen. I vinter har det gått skeis for skihopparane og Justyna Kowalczyk (langrenn). Då er eit herrelandslag i handball på heimebane noko å jubla for. (©NPK)