Bjørn Rune Gjelsten trekkjer seg ut av Molde – Kjell Inge Røkke blir eineeigar

– Kjell Inge har gjennom 30 år vore ei drivande kraft i utviklinga av Molde Fotball AS og Molde FK, og sidan 2013 har Bjørn Rune vore deleigar. Bjørn Rune vel no å tre ut som eigar, men vi er sikre på at han framleis er ein ivrig supporter og bidragsytar til Molde FK, seier styreleiar Leif-Arne Langøy i Molde Fotball AS til nettsida til klubben.

Røkke kjøper eigardelane via Stiftinga Molde Fotball.

– Engasjementet handlar om meir enn fotball. Endå viktigare er idrettens og Aker Stadions betydning for inkludering av alle og tilhøyrsel til Molde-regionen, seier Kjell Inge Røkke og held fram:

– Eg vil takke Bjørn Rune for engasjementet hans og økonomisk støtte gjennom mange år.

Aker-eigaren har bidrege økonomisk til Molde FK sidan 1992.

(©NPK)

Kjell Inge Røkke kjøper opp Bjørn Rune Gjelstens eigarandel på ein tredel i Molde Fotball AS.
Foto: Svein Ove Ekornesvåg / NTB