Bloomberg: USA vil sende 31 Abrams-stridsvogner til Ukraina

Ifølgje Bloomberg-korrespondent i Det kvite hus, Jennifer Jacobs, vil president Joe Biden seinare onsdag kunngjere at USA sender 31 stridsvogner til Ukraina.

Publisert: 25.01.2023 kl 16:19

Sist oppdatert: 25.01.2023 kl 16:26

Stridsvognene det er snakk om er av typen Abrams M1 og vil ha ein samla verdi på rundt 4 milliardar kroner, skriv Jacobs på Twitter.

Opplysningane er ikkje stadfesta frå offisielt hald, men fleire medium har tidlegare meldt at Biden-administrasjonen hellet i retning av å sende stridsvogner til Ukraina.

Biden har varsla ei fråsegn om amerikansk støtte til Ukraina klokka 18 norsk tid.

Tyskland varsla onsdag at Ukraina vil få tyskproduserte Leopard 2-stridsvogner, og fleire andre europeiske land har opplyst at dei også vil bidra med slike.

Ukraina vil ifølgje Bloomberg News få 31 Abrams M1-stridsvogner frå USA. Foto: The Gazette / AP / NTB