Bolsonaro innlagd på sjukehus med magesmerter

Brasils tidlegare president Jair Bolsonaro er innlagd på sjukehus i USA med magesmerter, noko som også har plaga han mykje før.

Publisert: 09.01.2023 kl 18:06

Det skriv O Globo, ei av dei største avisene i Brasil.

Bolsonaro vart knivstukke i magen og alvorleg skadd under valkampen i 2018 og har vore innlagd på sjukehus med plager i magen fleire gonger sidan. Sidan Lula da Silva vart innsett som Bolsonaros etterfølgjar ved nyttår, har han vore i Florida i USA.

Trass i at Bolsonaro er under etterforsking i Brasil for fleire forhold, har ikkje USA fått nokon førespurnader om utlevering, opplyste Det kvite hus måndag.