Bond-skodespelar Honor Blackman er død
Den britiske skodespelaren Honor Blackman er død, 94 år gammal. Ho er mellom anna kjend for rolla som Pussy Galore i James Bond-filmen «Goldfinger».
Blackman døydde måndag av naturlege årsaker i heimen sin i Sussex, opplyser familien.
Blackman var allereie ein etablert skodespelar i Storbritannia på 1960-talet då ho fekk rolla som Bond-jenta Pussy Galore i «Goldfinger» frå 1964 mot Sean Connery som agent 007.
Rolla gjorde henne kjend langt utover grensene til Storbritannia. Ho heldt fram med å ha ein lang karriere på både film, tv og teater, hovudsakleg i heimlandet, men også USA.
(©NPK)