Tips oss:
Tips
Sentralbord: 70 07 44 22 Mobil: 995 22 999
Kontakt
(NPK-NTB-Reuters): Amerikanske forskarar har funnet ut at det såkalla «gode» HDL-kolesterolet faktisk kan auke faren for hjarteinfarkt hos enkelte personar.
npk@npk.no
Publisert: 11.03.2016 kl 07:52
HDL-kolesterolet er tradisjonelt knytt til redusert risiko for hjarte- og karsjukdommar fordi det bidrar til å utlikne den negative effekten av det helseskadelege kolesterolet LDL.
Men enkelte personar har ein sjeldan genetisk mutasjon som gjer at kroppen deira har eit høgare HDL-nivå enn normalt, og paradoksalt nok er det denne gruppa som har høgare risiko for hjarte- og karsjukdommar, meiner forskarane.
– Resultata våre indikerer at nokre årsaker til høgt HDL-nivå faktisk fører til auka risiko for hjartesjukdom. Dette er den første påvisinga av ein genetisk mutasjon som aukar HDL-nivået, men samtidig aukar faren for hjartesjukdommar, seier forskingsleiar Daniel Rader ved University of Pennsylvania.
Forskarane håper funna kan bidra til å forklare kvifor medisinar som er laga for å auke produksjonen av HDL-kolesterol, så langt ikkje har vore ein suksess.
– Desse uventa funna banar veg for vidare forsking på kva for behandlingstypar som kan redusere talet på hjarteinfarkt i framtida, seier Peter Weissberg, medisinsk direktør i stiftelsen British Heart Foundation.
Forskarane fann dessutan ut at mutasjonen, som dei meiner er ein feilslått versjon av genet SCARB1, særleg finst hos askenasiske jødar. (©NPK)
Artikkelen fortsetter etter annonsen.