Brækhus boksar ikkje 28. november

(NPK-NTB): Cecilia Brækhus stadfestar overfor NTB at ho ikkje boksar i Düsseldorf 28. november. Ho fekk ein strekkskade på trening i slutten av oktober.

npk@npk.no

Publisert: 06.11.2015 kl 15:11

– Kampen 28. november fell dessverre ut, fortel Brækhus til NTB.

Brækhus skulle ha boksa på VM-stemnet til Vladimir Klitsjko. Han skal møte briten Tyson Fury i kamp om tungvektstitlane tyske-ukrainaren sit på. Denne kampen skulle ha gått 24. oktober, men då var Klitsjko skadd. Derfor vart heile stemnet utsett.

Kven Brækhus skulle ha møtt den 28. november har ikkje vore offisielt kjent, men TV 2 skrev tysdag at sveitsiske Ornella Domini skulle opp mot den norske verdsmeisteren.

Cecilia Brækhus boksar sin førre kamp 29. november i fjor i København. Då forsvarte ho VM-titlane sine mot tyske Jennifer Retzke. Under kampen skadde ho seg. Brækhus fekk tre brot i foten. Skaden var meir omfattande enn ein trudde, og det var først i haust at ho var klar for kamp igjen. (©NPK)