Brann-kvinnene mistar suksesstrenaren: Alexander Straus blir henta til Bayern München

Alexander Straus forlèt Brann etter to år som hovudtrenar til fordel for kvinnelaget til Bayern München.

andreas.jakobsen@ntb.no/hege.grov@npk.no

Publisert: 13.06.2022 kl 12:08

Det stadfestar Bayern på nettsidene sine måndag.

Bergensavisa var først med å melde at den tyske storklubben var interessert i Straus. Seinare stadfesta Branns dagleg leiar Christian Kalvenes interessa overfor TV 2, og sa at klubbane var i samtalar om ein avtale.

Bayern München sparka nyleg trenaren Jens Scheuer etter tre år i jobben. Storklubben har vunne den tyske kvinneligaen fire gonger, seinast i fjor.

Straus har hatt stor suksess med Brann sidan han overtok trenarjobben i september 2020. I fjor vart det seriegull og cupfinaletap for Vålerenga.

46-åringen var også trenar for klubben, som då heitte Sandviken, i 2018. Då tok Straus klubben til sin første cupfinale sidan 1995 og ein 4.-plass i Toppserien. 46-åringen har tidlegare vore assistent under David Nielsen i Strømsgodset.

(©NPK)

Alexander Straus blir trenar for kvinnelaget til den tyske fotballklubben Bayern München. Foto: Terje Pedersen / NTB