Annonse

Brannen i Nortura-anlegget i Tønsberg under kontroll

(NPK-NTB): Brannen i Nortura-anlegget i Tønsberg er under kontroll. E18 er opna igjen, og dei evakuerte kan flytte heim, opplyser politiet.

Politiet i Vestfold melde om brannen i Nortura-anlegget ved 18-tida torsdag og bad bedrifter og folk sør for anlegget om å evakuere. I tillegg vart E18 stengd på grunn av røykutviklinga.

Ifølgje politiet er det ikkje meldt om personskadar.

Det er førebels uvisst korleis brannen starta.

Nortura kallar anlegget i Tønsberg Noregs største pølsefabrikk med rundt 500 årsverk. Fabrikken produserer òg leverpostei og andre produkt. (©NPK)