Brannvesen landet rundt fekk 36 brannbilar i gåve

Torsdag ettermiddag overleverte nemleg Gjensidigestiftelsen dei 36 topp moderne brannbilane til like mange lokale brannvesen. Dei blir kalla for superbrannbilar og utgjer den såkalla folkegåva i anledning markeringa av 200-årsjubileet til Gjensidige Forsikring. Bilane har ein samla verdi på 190 millionar kroner.

– Mange brannkorps slit med eldgamle og utdaterte køyretøy. Samtidig er brannbilen mannskapet sitt viktigaste verktøy når dei skal redde liv og verdiar. Derfor er vi glade for at vi kan bidra til å auke brannberedskapen lokalt, seier direktør Unn Dehlen i Gjensidigestiftelsen, forsikringsselskapet sin største eigar. (©NPK)