Brei oppgang på Oslo Børs

Blant dei ti mest omsette var Telenor den einaste som fall, med 0,2 prosent.

Mest omsett er Statoil, som gjekk opp 1,3 prosent. Subsea 7 hadde størst endring, og gjekk opp 4,5 prosent, tett følgt av Norsk Hydro (+4,2) og Yara International (+3,0).

Oppgangen i Oslo følgde ein kraftig auke i Asia. Elles i Europa var det også optimisme måndag. Best står det til i Frankfurt, der DAX 30-indeksen heva seg 2 prosent. I Paris gjekk CAC 40-indeksen opp 1,7 prosent, medan stemninga ikkje er fullt så bra i London, der FTSE 100-indeksen auka med 1,3 prosent.

Oljeprisen held seg låg, på omtrent same nivå som den har vore sidan fallet på torsdag. Nordsjøolje blir omsett for 46,80 dollar, og amerikansk lettolje kostar 45,40 dollar fatet. (©NPK)