Brende vil styrke kvinner sine rettar

Fredag lanserer han ein ny handlingsplan som skal bidra til å styrke kvinner sin stilling verda over. Planen har fått tittelen «Fridom, makt og moglegheiter».

– Eg er stolt over å legge fram ein ambisiøs handlingsplan for kvinner sine rettar. Gamle spørsmål krev nye svar, og vi ønsker å modernisere måten vi jobbar med likestilling på, seier Brende i ein pressemelding.

Han har sjølv tatt initiativ til ein pådrivargruppe for global likestilling, der både næringslivet, sivilsamfunnet, akademia og partane i arbeidslivet deltar. I tillegg blir også programmet Likestilling for utvikling (LIKE) lansert.

– Dette er nye grep som skal bidra til gjennomføring av handlingsplanen, seier Brende. (©NPK)