Brexit kan bli dyrt for britiske eksportørar

(NPK-NTB-AF): Britiske eksportørar kan få 5,6 milliardar pund i ekstra tollavgifter i året om landet går ut av EU, åtvarar WTO.

npk@npk.no

Publisert: 07.06.2016 kl 16:43

Storbritannia må truleg forhandle fram nye avtalar med EU og alle dei 58 landa som unionen har frihandelsavtalar med, åtvarar Roberto Azevedo i Verdshandelsorganisasjonen om konsekvensane ved ein brexit.

I mellomtida meiner organisasjonen det kan gi årlege ekstrautgifter for britiske eksportørar som svarar til 66 milliardar kroner etter dagens kurs.

WTO kjem med åtvaringa før britane held folkeavstemming om EU-medlemskapet 23. juni. Fristen for å registrere seg som veljar i folkeavstemminga går ut tysdag. Meiningsmålingane antydar jamt løp. (©NPK)