Tips oss:
Tips
Sentralbord: 70 07 44 22 Mobil: 995 22 999
Kontakt
Artikkelen fortsetter etter annonsen.
(NPK-NTB-AFP): Den nye statsministeren i Canada, Justin Trudeau, held fast på løfta frå valkampen om at landet skal ta imot 25.000 syriske krigsflyktningar.
npk@npk.no
Publisert: 06.11.2015 kl 11:10
– Målet er framleis å ta imot 25.000 syriske flyktningar innan 1. januar, seier Trudeau i sitt første intervju etter at han overtok som statsminister onsdag.
Trudeau tok også opp att løftet om å hente heim kampflya som har delteke i luftkrigen mot Den islamske staten (IS) i Irak og Syria.
– Flya skal hentast raskt heim, men på eit ansvarleg vis som respekterer våre allierte, seier Trudeau.
– Canadas allierte forstår veldig godt at denne regjeringa vart valt på eit klart mandat om å få slutt på flyangrepa, seier Trudeau.
Canada har også sendt 70 spesialsoldatar til Arbil i Nord-Irak, der dei deltek i treninga av kurdiske militssoldatar. Denne delen av det canadiske bidraget til krigen mot IS vil bli vidareført, seier Trudeau. (©NPK)