Carapaz klatra først til toppen i Tour de Suisse

Richard Carapaz frå Ecuador sikra seg den gule leiartrøya då han vann den femte etappen av Tour de Suisse torsdag.

geir.andreassen@ntb.no/hallvard.ostrem@npk.no

Publisert: 10.06.2021 kl 17:31

Klatraren tima avslutninga i den siste bakken perfekt og tok seg forbi dansken Jakob Fuglsang. Ineos-ryttaren vann med nokre få centimeter på dansken.

Fuglsang køyrde seg opp ti plassar til andreplass i samandraget.

DSM-ryttar Andreas Leknessund fekk det tøft mot slutten på den 172 kilometer lange etappen, men leverte godt og kom inn som nummer 27, 4.54 minutt bak Carapaz. Amund Grøndahl Jansen frå BikeExchange hamna lenger bak.

Tour de Suisse blir avslutta søndag.

(©NPK)

Julian Alaphilippe, Jakob Fuglsang og Richard Carapaz under den femte etappen i Tour de Suisse torsdag. Carapaz var sterkast på klatreetappen. Foto: Gian Ehrenzeller / Keystone via AP / NTB